प्युठान । जिल्लाको झिमरुक गाउँपालिका स्तरीय शिक्षक भलिबल प्रतियोगिता सम्पन्न भएको छ । झिमरुक गाउँपालिका-२ स्थित सर्बोदय माध्यमिक बिद्यालय गडेरपानी र जुनियर रेडक्रस सर्कलको आयोजनामा गाउँपालिका स्तरीय शिक्षक भलिबल प्रतियोगिता शनिबार सम्पन्न भएको हो ।

गाउँपालिका स्तरीय शिक्षक भलिवल प्रतियोगीतामा १३ माध्यमिक विद्यालयका शिक्षक शिक्षिकाहरुको खेलाडी टिम सहभागी रहेको आयोजकले जनाएको छ । गाउँपालिका स्तरीय माध्यमिक तहका शिक्षक भलिबल प्रतियोगितामा प्रभात माध्यमिक बिद्यालय गडेरपानीले प्रथम स्थान हासिल गरेको छ।

त्यस्तै भलिबल खेलमा द्वितीय बलभद्र माध्यमिक बिद्यालय, तृतिय जनता माध्यमिक बिद्यालय टिम्मुरचौर र सान्तवनामा नेपाल राष्ट्रिय माध्यमिक बिद्यालय मर्काबाङले हात पारेको आयोजकले जानकारी दिएको छ ।

पालिका स्तरीय खेलकुद प्रतियोगितामा प्रथम, दोश्रो, तृतिय र सान्तवना हुने खेलाडी टिमलाई पन्ध्र हजार, दस हजार, आठ हजार नगद सहित प्रमाणपत्र हस्तान्तरण गरिएको सर्बोदय माध्यमिक बिद्यालय गडेरपानीका प्रधानाध्यापक लाल बहादुर एमसीले जानकारी दिनुभयो ।

झिमरुक गाउँपालिका स्तरीय माध्यमिक तहका शिक्षकहरु बिच भएको भलिवल प्रतियोगिताको झिमरुक गाउँपालिका उपाध्यक्ष प्रमोद पोख्रेलले उदघाटन र समापन गर्नुभएको थियो। विजेता तथा उपविजेता टिमलाई कार्यक्रमका प्रमुख अतिथी एवं झिमरुक गाउँपालिकाका उपाध्यक्ष प्रमोद पोख्रे अन्य अतिथिहरुले नगद पुरस्कार र प्रमाणपत्र प्रदान गर्नुभएको थियो ।

खेलकुद प्रतियोगिताको समापन गर्दै उपाध्यक्ष प्रमोद पोख्रेले खेलकुदले मानिसलाई स्वस्थ्य बनाउनुको साथसाथै अनुशासित बनाउने भएकाले मानवीय जिवनका लागि खेल अपरिहार्य रहेको बताउनुभयो । उहाँले खेलकुद प्रतियोगिताले स्थानीय स्तर बाटै खेलाडीहरु उत्पादन गर्न सहयोग पुग्ने बताउनुभयो ।

उपाध्यक्ष पोख्रेलले खेलकुद प्रतियोगितालाई प्रतिस्पर्धात्मक रुपमा मात्रै नभएर आपसी मेलमिलापको रुपमा समेत लिन सकिने बताउनुभयो । उहाँले बिद्यालयमा विद्यार्थीको सिकाइ सँगसँगै अतिरिक्त क्रियाकलापलाई निरन्तरता दिनुपर्ने बताउनुभयो । शैक्षिक गुणस्तर वृद्धिको लागि शिक्षक, विद्यार्थी र अभिभावकको सक्रियता र समन्वय जरुरी रहेको बताउनुभयो ।

दुई दिनसम्म चलेको खेलकुद प्रतियोगितामा जनप्रतिनिधि, शिक्षक, खेलाडी, विद्यार्थी लगायतको उपस्तिथि रहेको थियो।